Алматы әуежайының терминалында ер адам өз-өзін өртемек болды, деп жазады Alash.kz ұлттық порталы.
«2025 жылдың 25 тамызы күні сағат 22:06-да Алматы қаласы әуежайының Т-1 терминалында ер адам касса маңында өзін-өзі өртемек болды», – делінген ҚР Ішкі істер министрлігінің баспасөз қызметі таратқан ресми хабарламада.
Аталған жағдайға байланысты полиция қызметкерлері әуежайдың қауіпсіздік қызметімен бірлесіп шұғыл қауіпсіздік шараларын қабылдап, өртті сөндіріп, жедел жәрдем шақырды. Медициналық қызметкерлер ер адамды қалалық ауруханаға жеткізді. БАҚ-та тараған ақпаратқа сәйкес, ер адамның мұндай қадамға баруына азаматтық некедегі әйелімен болған жанжал себеп болуы мүмкін.
