Екі жыл бұрын ғана Ақтаулық Самир Валерий минутына 90 сөзден артық оқи алмайтын. Алайда жүйелі жаттығулар мен мұғалімнің қолдауының арқасында ол өз нәтижесін айтарлықтай жақсартты. Бүгінде оның оқу жылдамдығы минутына 16–17 мың сөзге жетеді, деп хабарлайды ALASH.KZ.
Білім министрлігінде атап өткендей, ақпаратты жоғары жылдамдықта қабылдау Самирге сабақтарда өзіне сенімді болуға, сондай-ақ гуманитарлық бағытта ғана емес, нақты ғылымдарда да жетістікке жетуге көмектеседі.
Ол – қалалық және аудандық олимпиадалардың жүлдегері, ал 2023 жылы өз мектебінде “Жыл оқушысы” атағына ие болған.
Самир қатарластары арасында ұйымшыл, мақсаткер және жауапкершілігі жоғары оқушы ретінде танымал. Ол мектеп өміріне белсене араласып, көшбасшылық қасиеттері мен дамуға деген ұмтылысын көрсетіп келеді.
Өз айтуынша, болашақта ел игілігі үшін еңбек етіп, білім, өнер және спорт салаларында өзін дамытқысы келеді.
