Шерзат Полатты өлтіру ісі бойынша мемлекеттік айыптаушы Дана Сарсенбай өзінің атымен жасалған жалған аккаунт жайлы мәлімдеді, деп хабарлайды ALASH.KZ.
Мемлекеттік айыптаушы Дана Сарсенбай әлеуметтік желілерде оның аты-жөні, лауазымы мен фотосуретін заңсыз пайдаланған фейк аккаунттардың таралуына байланысты халыққа үндеу жасады.
Прокурордың айтуынша, ол әлеуметтік желілерде жеке парақша жүргізбейді және ресми процедуралардан тыс ешқандай жария мәлімдеме жасамайды.
Сарсенбай қазақстандықтарды оның атынан таратылған жалған ақпаратқа сенбеуге және мұндай жағдайлар туралы құқық қорғау органдарына хабарлауға шақырды.
Бақылаушы органдар фейк аккаунт жасау мен пайдаланудың заң алдында жауапкершілікке әкелетінін еске салды.
