Сәтбаев қаласындағы тұрғын үйлердің бірінде белгісіз ер адам әйелге тап беріп, сүйрей жөнелген. Әйел айқайлаған кезде көршілер көмекке шығып, күдікті қашып кеткен деп хабарлайды ALASH.KZ порталы.
Azattyq Rýhy порталы Ұлытау облысының полиция департаментінің ақпаратына сүйеніп, күдіктінің ұсталғанын хабарлады.
«Әйел адамға шабуыл жасау фактісі бойынша Сәтбаев қаласы полиция бөлімімен қылмыстық іс қозғалды. Полиция қызметкерлері жедел іздестіру шаралары барысында, күдіктіні анықтап, ұстады. Қазір күдікті уақытша ұстау изоляторында отыр. Тергеу жалғасып жатыр», - деп хабарлайды полиция департаменті.
