Қостанай облысындағы қатаң режимдегі мекемеде жазасын өтеуші Арман Жұмагелдиевтің анасы Роза Жұмагелдиева қайтыс болды. Бұл туралы ақпаратты алғаш рет әлеуметтік желіде Арманның жақын досы Нұржан Иманалиев жариялады, деп мәлімдейді Alash.KZ.
Иманалиевтің айтуынша, Роза Жұмагелдиева ұлымен кездесуге арнайы Қостанайға барған. Алайда кездесуден кейін оның жағдайы нашарлап, жүрегі тоқтап, ауруханаға жатқызылған. Көп ұзамай кейуана өмірден озды. Өлім себебі - микроинсульт.
Жұмагелдиевтің адвокаты Рена Керимова бұл кездесудің болмағанын мәлімдеді:
“Ұлымен жүздесу қиын болды, рұқсат алу мәселесі шешілмеді. Роза Жұмагелдиева Қостанайға барып, баласымен кездесе алмай, сол жерде қайтыс болды.”
Арман Жұмагелдиев 2022 жылғы қаңтар оқиғасына қатысты жаппай тәртіпсіздік ұйымдастырушы ретінде айыпталып, 20 жылға бас бостандығынан айырылды. Оның аты қылмыстық топтар мен түрлі оқиғаларға қатысы бар деп жиі аталады.
Белгілі саясаткер Жақсыбек Құлекеев “Ақорда үшін күрес” атты еңбегінде Арман Жұмагелдиев пен оның серіктестері туралы ел білмеген деректерді жариялаған. Құлекеевтің айтуынша, Арман соңғы бес жыл ішінде еліміздің қылмыстық ортада беделді тұлғаға айналып, Ұлттық қауіпсіздік комитетінің қызметкерлерінен қолдау алған.
Тергеу материалдарында Арман ұзақ уақыт бойы ҰҚК-ның белгілі бір бөлімінің жетекшісі Руслан Ысқақовтың бақылауында болғаны көрсетіледі. Кітапта Ысқақов Арманға трансұлттық қылмыстық топтармен күресуге ұсыныс жасағаны және қылмыстық топтарға қарсы іс-шараларды ұйымдастырып, Арманды тергеуден қорғағаны баяндалады.
Осылайша ҰҚК елдегі кейбір қылмыстық топтарды жоюға ұмтылып, Арманның тобына әсерін тигізген. Арман ҰҚК қолдауымен әртүрлі аймақтарда ықпал орнатып, бүкіл Қазақстанды Нұржан Иманалиевке сеніп тапсырған. Қазіргі таңда Иманалиев Түркия түрмесінде отырғаны белгілі.
Арман 2021 жылдың желтоқсанында Алматыға келіп, басқа ұйымдасқан қылмыстық топ өкілдерімен кездескен. 2022 жылдың қаңтарында ҰҚК-ның тапсырмасымен халықты алаңға шақыруға кіріскен.
Ол Мәслихат депутаты Қайрат Құдайбергенмен бірге топтың әрекеттерін жоспарлаған. Арманның қарулы тобы қалада 30-дан астам адамды ұстап, оларды бірнеше қонақүйдің паркингі мен банкет залында мәжбүрлеп ұстаған.
Тергеу деректеріне сәйкес, ұсталғандар камераға түсіріліп, есірткі тұтынған және мародерлік жасағаны туралы мәжбүрлі түрде куәлік берген. Оларды ҚДТ саяси қозғалысының мүшелері деп көрсеткен. Кейін ұсталғандар ҰҚК-ға тапсырылған.
