13 мамыр күні әлеуметтік желілерде Ақтаудың 27-шағынауданындағы «Abdi» дүкеніне жақын маңда орналасқан азық-түлік дүкенінің бейнебақылау камерасынан алынған жазба тарады, деп хабарлайды ALASH.KZ Lada.kz жергілікті ақпарат порталына сілтеп.
Бейнежазбада ер адам кассирге шабуыл жасап, оң жақ құлақ тұсынан жұдырықпен ұрғаны анық көрінеді.
Шабуылдан кейін ол бірден оқиға орнынан қашып кеткен.
Бұл жағдай әлеуметтік желі қолданушылары арасында үлкен резонанс тудырды. Пікірлерде шабуыл жасаған адамды тауып, жауапқа тарту талаптары айтылуда.
«Бұл жол беруге болмайтын әрекет! Осы агрессорды тауып, жазалаңыздар!» – деп жазды ашулы қала тұрғындары.
